EKKEWE PROGRAM MI WOR PWE EPWE KISITIW LIWININ AN EMON EPWE FITI THEBUS
Ren om kopwe fich ngeni om kopwe angei eu Reduced Fare HOLO Card, men auchea kopwe apwonueta eu me lein ekkei:
● SEERAFO ier 6-17. Kopwe uwato noum birth certificate are eu ID mi chuen eöch mi makk ranin uputiwom won.Chon sikuul mi tori 19 ierir ra pwal tongeni kapachelong lon ei, are epwe wor nour high school ID mi chuen eöch are alettatan pwe ir mi makketiw pwe repwe fiti sikuul. A wor card faniten sarafo ika Youth Cards lon ekkewe Satellite City Halls (chilon chok lon ewe a nom Ala Moana Center) pwal lon ewe Transit Pass Office.
Form Faniten Youth Fare (pdf version) (chumong online)
● SENIOR CITIZEN ier 65 feita. Uwato noum ID mi chuen eöch mi wor sasingum won pwal ranin uputiwom, awewe chok ren noum driver’s license, eu ID seni ewe mwuu are noum passport.
Senior Kamaaina (Chinlap mi wilipos lon Hawaii): Fokkun chok eu driver’s license minen Hawaii mi chuen chok eöch me eu State ID repwe kettiw pwe alettatan om ka wilipos lon Hawaii.
A wor Senior HOLO cards lon ekkewe Satellite City Halls (chilon chok ewe a nom Ala Moana Center) pwal lon ewe Transit Pass Office.
Form Faniten Emon Esap Wilipos Lon Hawaii (pdf version)
Kamaaina Senior Form Faniten Emon Mi Wilipos Lon Hawaii (pdf version)(Chumong Online Kamaaina HOLO Card)
● DISABILITY CARD Nengeni ewe Disability Application Form faniten om kopwe silei met kopwe fori, ekkewe alluk pwal ifa usun om kopwe amasouwa eu application. Men auchea epwe wor noum ID seni ewe mwuu mi chuen chok eöch mi wor sasingum won. Kosap chuen tongeni fich ngeni om kopwe mönatiw ei liwin mi kisikis are en ka nom won Temporary Disability nge a mwuchulo ewe ukukun fansoun noum tokter a fen apasa pwe kopwe tongeni nom won disability. Ika ka nom won disability fansoun meinisin, iwe, kopwe angei eu Permanent Disability Card mi fo iteiten 4 ier. A wor Disability HOLO cards lon ewe Kalihi Transit Pass Office chok.
Disability Kamaaina faniten ekkewe aramas mi wilipos lon Hawaii – Fokkun chok eu driver’s license minen Hawaii me eu Hawaii State ID repwe kettiw pwe alettatan om ka wilipos lon Hawaii.
● U.S. MEDICARE CARD (par/pwech/arau) mi tongeni kaworoto ngeni meinisin resap mwo tori 65 ierir. Ekkewe mi ier 65 feita repwe apply faniten eu Senior Holo card. Aramas repwe angei eu card minafo iteiten 4 ier. Men auchea epwe wor nour U.S. Medicare Form. A wor Medicare HOLO cards lon ewe Kalihi Transit Pass Office chok.
• U.S. Medicare Kamaaina faniten ekkewe aramas mi wilipos lon Hawaii - Fokkun chok eu driver’s license minen Hawaii mi chuen chok eöch me eu Hawaii State ID repwe kettiw pwe alettatan an emon a wilipos lon Hawaii.
U.S. Medicare Form Faniten Emon Chon Wilipos Ekis (pdf version)
Kamaaina U.S. Medicare Form Faniten Ekkewe Chon Wilipos Lon Hawaii (pdf version)
● THEHANDI-VAN HOLO Card a faniten ekkewe chon wawa mi fich mi kamo nour bus pass are amasouwa nour card pwe repwe mönatiw ewe liwin mi kisikis. TheHandi-Van HOLO Card bus pass esap tongeni lulo seni minne mi fich ngeni TheHandi-Van.
● LOW INCOME CARD Faniten Chon Woungaw Kopwe uwato noum application mi fen approve ika kettiw. Ewe ukukun fansoun lupwen emon epwe tongeni kettiw a alongolong won ewe fiscal ier faniten takises me liwinimang; seni July tori June lon ewe ier mi epwe feito.
Kose mochen chemeni pwe, kapacheta ngeni noum kewe taropwe, men auchea pwe kopwe pwal uwato eu ID seni ewe mwuu mi wor sasingum me ranin uputiwom won.